Түгәрәк өстәл “Казан университетында мәдәниятләр диалогы киңлегендә татар филологиясе” КДУның татар теле һәм әдәбияты бүлегенең 80 еллык, Казан университетының 220 еллык юбилейларына багышланган халыкара фәнни-гамәли конференция кысаларында уздырылды (22.11.2024 ел). Чарада татар теле кафедрасы укытучылары, галимнәр, “Безнең мирас” журналының җаваплы мөхәррире Ленар Гобәйдуллин, студентлар һәм җәмәгать эшлеклеләре катнашты. Чакырылган кунаклар арасында Р.А.Хәкимованың туганнары булуы очрашуны җанландырып җибәрде.

“Галимә Рабига Афзаловна Хакимова (1902–1952)” дигән темага төп доклад белән Х.З.Баһаветдинова чыгыш ясады. Шулай ук, Казан университетында татар теле һәм әдәбияты белеме: проблемалар һәм перспективалар турында филология фәннәре докторлары Ф.Ш.Нуриева, А.Ф.Юсупов, фәннәр кандидаты Х.Х.Кузьмина һ.б. сөйләделәр. Чараны кафедра мөдире, профессор Г.Р.Галиуллина һәм доцент Г.К.Хадиева алып барды.