
Бүген, Татарстан Республикасы Фәннәр академиясе Шиһабетдин Мәрҗани исемендәге Тарих институтының фәнни җитәкчесе Рафаэль Сибгат улы Хакимовның туган көне!
12.02.2025
12.02.2025
Тарих институты җитәкчелеге һәм коллективы Сезне гомер бәйрәмегез белән ихлас күңелдән тәбрик итә!
Сез Татарстанның күренекле галимнәренең берсе буларак, дистәләрчә еллар буена татар тарихын, татар мәгарифе мәсьәләләрен өйрәндегез, аларны популярлаштыру һәм дөньяга таныту эшендә күп көч куйдыгыз. Сезнең җитәкчелегендә Тарих институты зур абруй һәм дөньякүләм исем казанды. Сәясәтче буларак, Сезнең катнашуда Татарстан Республакасының күп кенә тарихи документлары кабул ителде.
Хөрмәтле Рафаэль Сибгат улы, Сезне гомер бәйрәмегез белән котлап, ныклы сәламәтлек, озын гомер, тыныч тормыш һәм иҗади уңышлар телибез.