22.06.2026
2026 елның 19 июнендә Татарстан Республикасы Биектау районына тарихи сәфәр оештырылды. Ул язучы-прозаик, «Сәхнә» журналының баш мөхәррире Зиннур Хөснияр инициативасы белән уздырылды. Чарада атаклы тарихчылар, әдипләр, журналистлар һәм дин әһелләре катнашты. Алар Алан-Бәксәр һәм Олы Битаман авылларындагы тарихи урыннарда, зиратларда булдылар, шулай ук Ашыт һәм Илләт елгалары буенда урнашкан Апанаевлар утарының нигезләрен карадылар.
Айдар Гайнетдинов Биектау районында сакланган иң борынгы ташъязма ядкәрләр хакында сөйләде, Рөстәм Әминов төбәк тарихын яктыртты, Халидә Баһаветдинова Бикнарат авылына бәйле кайбер тарихи чыганаклар белән таныштырды.
Чарада шулай ук танылган тарихчы галимнәр Тәэминә Биктимерова һәм Айдар Хәйретдинов чыгыш ясады.
Фотолар “Татар-информ” мәгълүмат агентлыгы сайтыннан алынды.
Тулырак:
