Татарстан Республикасының ветераннар Советы күпсанлы социаль проектлар үткәрә, шуларның берсе – “Оныклар белән бергә шәҗәрәбезне өйрәнәбез” дигән проектның семинары Әтнә районы Түбән Бәрәскә авылында 8 октябрьдә узды. Аның эшендә яңа тарих бүлегенең өлкән фәнни хезмәткәре, тарих фәннәре кандидаты Эльмира Сәлахова катнашты. Җәмәгатьчелек белән очрашу Татарстанда җирлегендәге борынгы – Борнаевлар тарафыннан төзетелгән мәчеттә музей экспозицияләре белән танышудан башланды. Шулай ук кунаклар  мәдәният йортында авыл тарихына, нәсел шәҗәрәләренә багышланган берничә күргәзмә белән таныштылар. Авыл халкы, олы буын һәм мәктәп укучылары катнашындагы семинарда Эльмира Сәлахова милләт тормышы, шәҗәрәләр тарихы хакында сөйләде, шәҗәрәләр төзү методикасы белән таныштырды.