%div %img{ src: "https://mc.yandex.ru/watch/47307528", style:"position:absolute; left:-9999px;", alt:""}
Институт истории им. Ш.Марджани
Академии наук Республики Татарстан
E811f665096a333e72ba40047b1556b8c2ace2ed
Кайбер авыллар тарихына һәм Ш.Мәрҗани юбилеена багышланган хезмәтләрне тәкъдим итү (Ташкичү, 2018 ел, 5 октябрь). Презентация изданий, посвященных истории отдельных татарских сел и юбилею Ш.Марджани (Ташкичу, 5 октября 2018 г.)
08.10.2018

2018 елның 5 октябрь көнендә Арча районы Ташкичү авылы мәктәбендә истәлекле вакыйга булды. Ш. Мәрҗани исемендәге Тарих институтының Татарстан халыкларының тарихи-мәдәни мирасын өйрәнү бүлеге хезмәткәрләре тарафыннан “Ашыт җыены” авыллары тарихына багышланган хезмәтне тәкъдим үтү чарасы узды. Бу чара халык тарафыннан күптән көтеп алынган вакыйга булды, чөнки бу хезмәтне әзерләүдә авыл халкы да өлеш кертте. Алар ата-бабаларыннан ишеткән истәлекләре белән бүлештеләр, хәтирәләрен яңарттылар, галимнәрне якты чырай, тәмле чәйләре белән каршы алдылар.

Институт хезмәткәрләре Эльмира Сәлахова, Айдар Гайнетдинов, Халидә Баһаветдинова, Сайрус Хәмидуллин авыл тарихын өйрәнү максаты, бурычлары турында сөйләделәр, авыл тарихын өйрәнүдә ярдәм булырлык чыганаклар хакында да сүз барды, киләчәккә актуаль проблемалар билгеләнде. Шулай ук галимнәр бу як тарихына караган яңа ачышлар белән таныштырдылар.

Айдар Гайнетдинов тумышы белән Казан артыннан булып бар мөселман дөньясының күренекле шәхесе – Шиһабетдин Мәрҗанигә багышланган “Мәрҗани белән бәйле эпиграфик истәлекләре”, “Иҗтиһад ишекләрен ачучы Мәрҗани. Мәкаләләр җыентыгын арчалыларга тәкъдим итте. Китапларның эшләнү тарихы хакында сөйләде, Ш. Мәрҗанинең тормышындагы вакыйгалар белән таныштырды.

Үз нәсел, үз төбәге тарихының сәхифәләрен язып китап итеп дөньяга чыгарган Ташкичү авылы мәктәбенең лаеклы ялдагы укытучысы Розалия Насыйбуллинаның ихлас чыгышы, киләсе буынга әйтәсе сүзе һәм нәсихәте очрашуның иң матур мизгелләреннән булды. Иске Ашытның китапханә мөдире Мәкъсүмова Гөлнараның Иске Ашытның акъәбие – 98 яшьлек Мәдинә Сәлахетдинованың авыл тарихы хакындагы китапны ничек кабул итүе, китапны күкрәгенә кысып тотып ничек шатланганын сөйләве күпләрнең күзенә яшь китерде. Хәзерге вакытта лаеклы ялдагы элекке врач Нургаяз абый үзе дә Ашыт тарихын язарга керешкән. Ул да үз тәҗрибәсе белән уртаклашты. Ашыт авылының тарих укытучысы Радик Фәтхуллин, авылның башка тарих яратучылары Тарих институты галимнәре янына килеп фикерләр алыштылар, бер-берсе белән хезмәттәшлек итәргә сүз куештылар.

Бу чарада Ташкичү авылы укучылары һәм укытучылары, авыл, төбәк тарихы белән кызыксынучы Ташкичү, Иске Ашыт, Мәмсә авылы кешеләре, мәктәп укытучылары катнашты. Бу чараны оештыручы Ташкичү мәктәбенең Ш.Мәржани музее мөдире Гарифҗанов Мәсхүд Зариповичка, авыл тарихын язуда истәлекләре белән уртаклашкан Вазыйх Мәгъсүмовка авторлар зур рәхмәтләрен белдерә.

 

  • 6424b6e7aabdd933a9f5778ce816c2ab8d7e09b8
  • C21b6bcce13845a613d36e891ced7bec958dad38
  • 277511295ad63fc76f2e1f7996399ab5d7a00aff
  • D916d11d1b1ea172f16f36dfa631f0207a9290aa
  • B3ae75e861bbbb2fdf4e0385cf7e89c250fc8c7e
  • 8bd8ce11df30a83943344029e716a932a6d44065
  • 2e2f4c708df16ea2e62342557fe4777617391e66
  • 603f5bb2f88f502e3ded095e24b3d205afc5fd52