2021 елның 26 мартында ТР ФАнең Ш.Мәрҗани ис. Тарих институтында Татар халкының гамәл стратегиясе буенча «Хәзерге шартларда милли тәрбия – нәрсә ул?» дигән темага семинар уздырылачак
24.03.2021
24.03.2021
Семинар кысаларында түбәндәге мәсьәләләр каралачак:
– Татар халкының милли тәрбия системасының үзенчәлекләре нидән гыйбарәт?
– Хәзерге шартларда халык педагогикасының (этнопедагогика) әһәмияте һәм актуальлеге.
– Милли тәрбиянең иң гүзәл үрнәкләрен саклауда гаиләнең, балалар бакчаларының, мәктәпнең, иҗтимагый оешмаларның роле ни дәрәҗәдә?
– Мәктәпкәчә яшьтәге балаларның һәм башлангыч мәктәп укучыларының милли үзаңын тәрбияләүдә халык мәдәнияте.
– Милли тәрбия чарасы буларак туган тел.
– Милли тәрбия – укучыларда башка милләт вәкилләренә карата түземлелек һәм дуслык тәрбияләү чарасы.
Башлана: 26 мартта, сәгать 11 дә.
Үткәрү урыны: Казан шәһәре, Батурин урамы, 7А йорт, 137 бүлмә.