Татар Шорты авылында (Чуашстанның Комсомол районы) авыл мәчетен торгызуга 30 ел тулу уңаеннан һәм төбәкнең күренекле дин әһеле, мәгърифәтче ишан Хәсән хәзрәт Исмәгыйлевкә (1832–1909) багышланган түгәрәк өстәл узды. Чараны Чуашстан мөселманнар Диния Нәзарәте Татар Шорты авылы мәхәлләсе белән берлектә оештырды. Биредә Мәскәү, Казан, Чебаксар, Ульяновск һ.б. урыннардан кунаклар бар иде, күп санлы авылдашлар кече ватаннарына кайтты. Кунаклар арасында Татарстан Дәүләт Советы депутаты, Татарстан Язучылар берлеге рәисе, шагыйрь Ркаил Зәйдулла, тарихчы Рәшид Амишов, Бөтендөнья татар конгрессы вәкилләре, һ.б.

Тарих интитуты директоры урынбасары Марат Гыйбатдинов тамашачыларга татар тарихында ислам мәгарифенең тоткан урыны, Татар Шорты авылына нигез салган лашманнар турында сөйләде, мәчет китапханәсенә авыл тарихына кагылган чыганакларны үз эченә алган, Институт чыгарган китапларны тапшырды. 

См. https://cheboksari.bezformata.com/listnews/dva-ishana-iz-odnoy-derevni/107569779/