2022 елның 2 июлендә Казанда Бөтендөнья Татар Конгрессының 30 еллыгына багышланган VIII Съезды узды. Пленар утырышында тарих институты директоры Р.Р.Салихов, директор урынбасары М.М.Гибатдинов, Алтын Урда һәм татар ханлыкларын өйрәнү үзәге җитәкчесе И.М.Миргалиев катнашты. Бөтендөнья Татар Конгрессы Милли Шурасы рәисе, әгъзалары сайланды. Радик Рим улы Салихов яңадан Милли Шура әгъзасы булып сайланды. ТР Дәүләт киңәшчесе Минтимер Шәрип улы Шәймиев чыгышында Тарих институты әзерләгән җиде томлы Татар Тарихын олы бәяләде, һәм милли тарихны язуда катнашучы институт хезмәткәрләренә олы рәхмәтләрен белдерде: “Әлеге күләмле хезмәт... республика өчен генә түгел, гомумән, фән дөньясы өчен дә зур вакыйга булды... Минем бу күмәк хезмәтне тудыручыларга, аның җитәкчесе Рафаил Сибгат улы Хәкимовка, Сезнең исемнән, аның коллективына тагын бер кат зур рәхмәтемне белдерәсе килә. Безнең тарихыбыз бар!”

См. https://zen.yandex.ru/video/watch/62eaa0d4a888be32512386f2?t=10

См. Telegram-канал   Институт истории Марджани