Чарага килгән кунаклар «Чимги-Тура (Төмән) шәһәре кайсы гасырда нигезләнгән?» дигән темага багышланган түгәрәк өстәлдә катнаштылар.

Түгәрәк өстәлдә ТР ФА Ш.Мәрҗани исем. Тарих институтының фән эшләре буенча директор урынбасары Гибатдинов Марат Миңгали улы катнашты. Аның чыгышы татар халкының тарихи берлегенә һәм телебезнең тирән тарихи тамырларына багышланды. Ул шулай ук Төмәннең һәм Себердәге башка тарихи шәһәрләрнең нигез салыну вакытын өйрәнгәндә Казанның 1000 еллыгын раслау тәҗрибәсен кулланырга чакырды.